छह महीना से तरसित हन पानी खातिर

जिला चित्रकूट, ब्लाक मानिकपुर, गांव गढ़चपा का घाटमपुरवा। हिंया डेढ़ सौ के आबादी मा दुइ हैण्डपम्प लाग हवै, पै छह महीना से दूनौ हैण्डपम्प खराब हवैं। यहिके खातिर कइयौ दरकी प्रधान का दरखास दीन गे हवै।
हिंया के बिसागर, जितेन्द्र फूल सिंह अउर विजय का कहब हवै कि पानी मड़इन का आधा किलो मीटर दूर कुआं से लावै का परत हवै। जउन पियै मा खारा हवै वहिसे मड़इन का बीमारी होत हवै, पै पानी के समस्या अबै तक प्रधान नहीं खतम कइ पावा आय। यहै से परेशान रहित हन।
यहिनतान हरिशरण का कहब हवै कि हम पानी पियै खातिर तरसित हन, पै कउनौ सुनवाई हम लोगन के नहीं होत आय। दुइ महीना पहिले प्रधान का लिखित भी दीने हन, पै तबहूं कुछ ध्यान नहीं देत आय। कबै तक मड़ई कुंआ का खारा पानी पी के बीमार होइ?
प्रधान गिधनी देवी के मनसवा बोड़ी लाल का कहब हवै कि खाता मा रूपिया नहीं आय। इं मड़ई हैण्डपम्प बिगाड़ देत हवैं । कहां तक हैण्डपम्प बनवइहौं। अगर रूपिया आ जई तौ हैण्डपम्प बनवा देहूं।