हैदरगढ़ के जासेपुर में बदले कई प्रधान लेकिन नहीं बनी नाली

जिला बाराबंकी, ब्लाक हैदरगढ़, गाँव जासेपुर मा कइयो प्रधान आये अउर गये लकिन पिछले पन्द्रह साल मा अब तक नाय बनीं नाली।
शाहजहां कै कहब बाय कि दस साल से येसे ही नाली बाय चारव तरफ पानी बहाथै। एका चौड़ी हुवय का चाही। शरीफ उन निशा कै कहब बाय कि नाली कि वजह से मोहल्ले मा लड़ाई होय जाथै। केहू कहाथै तू साफ करा केहू कहाथै तू साफ करा।साल दुई साल मा एक बार सफाई कर्मी आवाथे।
मोहम्मद सलमान कै कहब बाय कि गाँव मा पचीस प्रतिशत नाली बनी बाय बाकी नाय बनीं बाय। यतनी ज्यादा गंदगी एहि गाँव मा बाय कि केहू बाहर से आय जाय तौ दुई मिनट खड़ा नाय होय सकत। विनोद कुमार कै कहब बाय कि एक ही सफाई कर्मी बाय पूरा गाँव कहां तक साफ़ करै। शिकायत करै के बादौ कुछ नाय हुवत।अर्जित दीक्षित कै कहब बाय कि एहि गाँव मा एम्बुलेंश भी एहि गाँव मा नाय आय सकत।
शकील बाल्मीकि सफाई कर्मचारी कै कहब बाय कि इतना बड़ा गाँव रहाथै एक दिन मा पूरा गाँव कैसे साफ़ करी। एक दिन दूसरे मोहल्ले मा जाई थी दूसरे दिन दूसरे मोहल्ले मा जाईथी।नीरज कुमार वार्ड मेंबर कै कहब बाय कि ब्लाक पै कइयो बार शिकायत करेन लकिन सुनवाई नाय हुवत। प्रधान कहाथे कि गौरमेंट से खाता मा पैसा नाय आवत बाय।

रिपोर्टर- फिजा

06/02/2017 को प्रकाशित