जिला चित्रकूट, कस्बा कर्वी, मुहल्ला भौंरोंपागा हिंया के एक मेहरिया समाजवादी पार्टी के पूर्व जिलाध्यक्ष गुलाबखान के ऊपर छेड़खानी गाली गलौज अउर मारपीट का आरोप लगाइस हवै।जिला चित्रकूट, कस्बा कर्वी, मुहल्ला भौंरोंपागा हिंया के एक मेहरिया समाजवादी पार्टी के पूर्व जिलाध्यक्ष गुलाबखान के ऊपर छेड़खानी गाली गलौज अउर मारपीट का आरोप लगाइस हवै। पै सात महीना बीते के बाद भी अबै तक या केस के कउनौ सुनवाई नहीं भे आय। या मेहरिया अबै भी नियाव खातिर भटकत हवै। सी ओ राजेश कुमार तिवारी का कहब हवै कि चार्टशीट लाग गे हवै अउर मुकदमा कोर्ट मा चला गा हवै। मेहरिया का कहब हवै कि गुलाबखान मोरे साथ छेड़खानी करिस रहै सात महीना होय के बाद भी पुलिस मोर सुनवाई नहीं करत आहीं जबै मैं आफिस जात हौ तौ वा मोर पीछा करत हवै अउर मोर घर के आस पास देखाई देत हवै तेजाब डाले अउर जान से मारे के धमकी देत हवै। गुलाब खान मोहिसे समझौता करे चाहत हवै पै मैं आपन इज्जत खोवे के बाद कउनौ समझौता न करिहौं जिला अध्यक्ष अनुज यादव वहिका अपने साथ कुर्सी मा बइठावत हवै मोर कत्तौ सुनवाई नहीं होत आय। जिला अध्यक्ष अनुज यादव का कहब हवै कि गुलाब खान का जबै अदालत मा दोषी पावा जई तबै पार्टी कइत से भी कारवाही कीन जई।
रिपोर्टर- नाजनी रिजवी
Published on Jul 20, 2017
