जिला ललितपुर, महरौनी, गांव समोगर इते मुकुट नाम के आदमी के ऊपर ट्रांसफार्मर गिरबे से आदमी घायल हो गओ। जोन ट्रांस्फारमर ख़राब हतो सो बदलबे के लाने रखो तो। घायल आदमी को इलाज बिजली विभाग वाले दे रए।
लड़कुवर ने बताई के गड्डा हमाओ हतो उतेई लेया के धर दओ तो उनने ट्रांसफार्मर। लेयाय तो बे टेक्टर से हते। ख़राब वालो चढो तो सो उनने बाय उतार के और सही वालो चढाओ और जाए उतार के उनने हलाओ बाये सो बस गड्डा हतो लेट्रिन को सो बई के उपर धरो तो। बो कुन इतनो दम दार हतो बो कमजोर हतो। जिन ने बई पे धर दोओ ट्रांसफार्मर और हिलाओ बाय सो बो टूट गओ। बे उतेई ठाड़े ते मुकुट सो नीचे चले गये और ऊपर से ट्रांसफार्मर गिर गओ। भोत जने ठाडे ते उते इनके संगे सो बे बच गये जे गिर परे ते।
देवेन्द्र सिंह ने बताई के भोत लग गई उने दोई पांव की खाल निकर गई पूरी और डॉक्टर बता रए के दो जघा से पांव टूटो।
मुकुट ने बताई के ट्रांसफार्मर धरो तो सो हम उतेई ठाडे ते सो बस बाय तनक हलाओ और हम बा गड्डा में नीचे चले गये उपर से ट्रांसफार्मर गिरो। सो हमे जा लगी के हमाओ पांव कट गओ। एम्बुलेंस आई बासे हम अस्पताल गये महरौनी उते से ललितपुर गये उते इलाज भाव और फिर छुट्टी कर दई सो अब अपने घर आ गये।
रिपोर्टर- सुषमा और राजकुमारी
07/10/2016 को प्रकाशित
