जिला फैजाबाद, ब्लाक तारुन, ग्रामसभा विजैनपुर सजहरा प्राथमिक विद्यालय। हिंआ के रसोइयन का दुई महीना कै पिछला मानदेय नाय मिला बाय। स्कूल फिर शुरू होइगा। पैसा कब मिले कुछ पता नाय।
रसोइया अनारा, राधा अउर गौरा बताइन कि महीना भै खाना बनवाई एक हजार मिलाथै। उहौ दुई महीना कै नाय मिला बाय। स्कूल एक महीना बन्द रहा दुबारा नये सत्र से फिर खुला। सब गेदहरै पढ़ै आवै लागे। लकिन पिछला मई-जून कै पैसा नाय मिला बाय। इनके सबकै कहब बाय कि इहै एक सहारा बाय। कउनौ अउर काम नाय कै मिलत। यही से रोजी-रोटी अउर गेदहरन कै खर्चा चलत रहा। अब हमरे सबकै गेदहरै कैसे पढ़ै जाए। कापी किताब कै व्यवस्था कहां से करी। प्रधानाध्यापक से कहै तौ कहाथिन कि अबहीं नाय आय बाय। अब प्रधानाध्यापक के खाता मा आवाथै।
एम.डी.एम. प्रभारी नीरज शुक्ला बताइन कि रसोइया कै वेतन जल्दी प्रधानाध्यापक के खाता मा भेजा जाये। कइयौ शाखा से पैसा भेजा जाथै यही से न पहुंच पाय होये। जल्दी उनके सबका पैसा मिले।