खबर लहरिया औरतें काम पर बढ़त जात हे बलात्कार

बढ़त जात हे बलात्कार

 

जिला rapeमहोबा, ब्लाक कबरई,। इ ब्लाक के अलग अलग गांव में बिटिया ओर ओरत के साथे बलात्कार भओ हे। जीसे थाना कोतवाली में दरखास देके नियाव की गुहार लगाई हे। कबरई थाना क्षेत्र को एक गांव में तीस साल के ओरत के साथे 12 मई 2013 खे बलात्कार भओ हे।
कबरई थाना क्षेत्र की तीस साल ओरत ने बताओ 12 मई 2013 खे सुबेरे में टट्टी गई हती। तभई गांव को करन अहिरवार पछाऊ से आओ। मोए पकर के मुंह में कपड़ा लगा खे बलात्कार करन लगो। जभे में छूटी तो भगी ओर चिल्लाई। तभई गांव खे आदमियन ने ऊखे पकरो तो ऊ छूट खे भाग गओ। ईखी दरखास मेने कबरई थाना मे दई हे। तो दरोगा ने रिपोर्ट नई लिखी कहत हतो कि ते झूठ बोलत हे। तोए साथें बलात्कार नई भओ हे। एई से मेने 15 मई 2013 एस.पी. खे दरखास देके न्याय की मांग करी हे।
कबरई थाना के मुंशी जयकरन ने बताओ कि ऊखी रिपोर्ट लिखी हे। बलात्कारी पकर गओ हे। ऊखे ऊपर धारा 354, 323, 506 के तहत मुकदमा लिखो हे।
एसई महोबा कोतवाली क्षेत्र के एक गांव में सोलह साल बिटिया खे साथे बलात्कार भओ हे। जीखी डाक्टर जांच जिला अस्पताल में भई हे। बिटिया की मताई ने बताओ कि बलात्कार करे वालो जयसिंह मोई जेठानी को लड़का आय। 11 मई 2013 खे जयसिंह दारू पीके रात में हमाए घरे आओ। तभई मेने मना करी की एते कोनऊ नइयंा ते अपने घरे जा ऊ नई मानो ओर सो गओ। रात 11 बजे छत में सोउत बिटिया के साथे जबरजस्ती बलात्कार करन लगो। जभे मेने बिटिया की आवाज सुनी तो ऊपर गई तो जयसिंह कहत हतो कि कोनऊ से बताओ तो छत खे तरे फेक देहो। ईखी रिपोर्ट हमने महोबा कोतवाली मे दई हे। जीखी महोबा जिला अस्पताल में डाक्टरी कराई हे।
महोबा कोतवाली सबइन्सपेक्टर संगीता सिंह ने बताओ कि बलात्कारी पकर गओ हे। धारा 8 लैगिंक अपराधो से बालकन का संरक्षण अधिनियम 2012 के तहत ओर 367 आई पी.सी.वन के तहत बलात्कारी खे जेल भेजो जेहे।