तालाब कै कब्जा हटवावै कै मांग

जिला अम्बेडकर नगर। कलेक्टेट के सामने 7 अप्रैल 2015 का ग्रामसभा दाउदपुर गांव वाले मनई जिलाधिकारी से तालाब कै अबैध निर्माण रोकवावै कै प्रार्थना पत्र दिहिन।
ओमप्रकाष सिंह, सालिकराम गौड़, रामदीन गौड़ बताइन कि हमरे गांव के नाली कै पानी मोहड़ी से होइके तालाब मा जात रहा। विपक्षी मनई जबरदस्ती कब्जा करत हइन। मोहड़ी तूरके पानी रोंक दिहिन। तालाब नम्बर 48 रकबा 0.354 पै जबरदस्ती निर्माण करत हइन। गांव वालेन कै कहब बाय कि अबैध कब्जा कै षिकायत 20 मार्च का उपजिलाधिकारी जलालपुर से करे रहेन। तौ उपजिलाधिकारी तहसीदार, लेखपाल अउर कानूनगो का पैमाइस अउर तालाब पै अबैध कब्जा रोंकै कै निर्देष दिये रहिन। लकिन एस.डी.एम. के आदेष कै पालन अबहीं तक नाय भै। न अबैध कब्जा रोकवायगै अउर न ही कब्जा करै वाले के खिलाफ कार्यवाही कीनगै।