खबर लहरिया सीतामढ़ी खतरा के घर हइ उ नाला

खतरा के घर हइ उ नाला

IMG_0002जिला सीतामढ़ी प्रखंड बथनाहा, गांव मजगमा, वार्ड नम्बर सात। नाला अधुरा ही बनल हई जेइ कारण उहां के लोग नाला भर देलथिन। जेकर लम्बाई लगभग चार सौ फिट हई। इ नाला प्रमुख के फंड बी आर जी एफ से हई जेकर वजट लगभग छौ लाख हई। जबकि उहां के आबादी लगभग छ सौ हई।
इहां के गा्रमीण लोग किशोरी राय, रामअसरे राय, सत्या देवी सब कहलथिन कि फरवरी 2015 से नाला बने के षुरू भेल रहईजे काम उपप्रमुख करवइत रहलथिन। जाने कयला अधुरा ही बना के छोड़ देलथिन? इ नाला त खतरा के घर हई। एइमें बच्चा, पुरानीया अउर माल मवेसी के गिरे के डर हई। दोसर में खराब काम अउर दु नम्बर ईटा बिना छर के सिलाप जे एक ओर डकन रखइ छथिन अउर दुसर ओर से फुटे लगइ छइ। ऐ से अच्छा त नाला बनवए वे न करतीयइ।
मुखिया अर्चना झा के पति रंजन झा कहलथिन कि एइ नाला में हमरा कोई पुछ ताछ न कलथिन न त हम एइ के बारे में कुछ न बता सकइ छी इ प्रमुख के फंड से बनलईय उपप्रमुख राजयनरायण राय बनवलथिन।
प्रखंड विकास पदाधिकारी बंसत कुमार सिंह कहलथीन कि दु नम्बर समान से काम होइत रहलइ ह त हम जांच करे गेली त उ समान वापस करवा के बनिया समान से काम करे ला कहली। रह गेलइय अधुरा काम त ओतने काम के रूपइया आयल रहलय। आगे काम के लेल रूपइया अतइ त काम होतइ।