कोतवाली कै करिन घेराव

जिला फैजाबाद, ब्लाक पूराबाजार, गढ़ी का पुरवा। पुरानी रंजिष मा 21 मार्च 2015 का तीस साल के फूलचन्द्र यादव के ऊपर कुदाल से हमला कै दिहिन। जेसे फूलचन्द्र कै मउत होईगै रही। रिपोर्ट न दर्ज हुवय से 30 मार्च का कोतवाली कै घेराव कइके प्रदर्षन करिन।
मृतक फूलचन्द्र कै पत्नी प्रतिभा बताइन कि कोतवाली मा ग्यारह दिन बादौ रिपोर्ट नाय दर्ज भै बाय। जब तक रिपोर्ट न दर्ज होये तक प्रदर्षन कीन जाये।
घरवाले कै कहब बाय कि पड़ोसी छविलाल से रुपया के लेनदेन कै विवाद चलत बाय। यही से दुइनौ जने मा मारपीट भै। छविलाल फूलचन्द के ऊपर हमला कै दिहिन। जेसे फूलचन्द कै मउत होइगै।
अयोध्या कोतवाल षैलेन्द्र सिंह बताइन कि रामनवमी मेला के कारण केष दर्ज नाय होय पाये रही। लकिन अब हत्या कै रिपोर्ट दर्ज कइके कार्यवाही कै जाये।