खबर लहरिया बाँदा वजीफा खातिर धरना मा उतरे छात्र

वजीफा खातिर धरना मा उतरे छात्र

schoolजिला बांदा। बांदा शहर के आदर्श ज्ञान भरती विद्यालय के छात्र, छात्रन के महतारी बाप अउर मास्टर वजीफा के समस्या का लइके डी.एम. आफिस मा 26 मार्च का धरना प्रदर्शन करिन। नगर खण्ड शिक्षा अधिकारी कहिन कि ज्ञापन मुख्यमंत्री का वहै दिन फैक्स से भेज दीन गा है।
विद्यालय के हेडमास्टर नईमुद्दीन सिद्वकी का कहब है कि गरीब बच्चन के महतारी बाप किसान अउर मजदूरन के दशा का देखके वजीफा मिलब बंद न होय का चाही। जेहिसे बच्चा आपन पढ़ाई नींकतान से कई सकै। बच्चन के महतारी बाप कहिन कि बेमौसम बारिस अउर ओला से फसल बरबादी हमरे मुंह का निवाला छीन लिहिस है। हर हाल हमरे बच्चन का वजीफा मिलब बहुतै जरूरी है।
नगर खण्ड शिक्षा अधिकारी सुनील कुमार द्विवेदी का कहब है कि जुलाई 2014 से वजीफा पूरे उत्तर प्रदेश मा बंद है। धरना प्रदर्शन के दरखास लखनऊ मुख्यमंत्री का भेज दीन गा।