जिला बांदा, गांव मिरगहनी। नाला मा पानी भरा होय के कारन मड़इन का पांच किलोमीटर घूम के आपन गांव जायें का पड़त हैं नाला का पुल एक साल से टूट पड़ा है। पुल बनावै खातिर कइयौ दरकी टेन्डर पास भा है पै या बात चुनाव के समय होत रहै, चुनाव ख़त्म नेता मंत्री के वादा ख़त्म। प्रधान राम नारायण का कहब है कि प्रधान का नाम ख़राब होत है सरकार पुल बनावै का रुपिया नहीं देत तौ का करी।
रसुला अउर विशम्भर यादव का कहब है कि बाढ़ आवै से नाला से निकले मा बहुतै परेशानी होत हैं। बारों महीना नाला मा पानी भरा रहत है घूम के जायें मा पांच किलोमीटर दूरी से जायें का पड़त हैं। हमार उमर लगभग चालिस साल है वहिके पहिले से हमार गांव मा या समस्या है।
राजू यादव बताइस कि रात के समय नाला से निकले मा गोड़ फंस जात है कउनौ बीमार होइ जाए तौ वहिकर बचे के कउनौ आसरा नहीं रहत आय।
बाईलाइन-शिवदेवी
03/10/2017 को प्रकाशित
