ईंट डारिके भरत सड़क कै गड्ढा

जिला फैजाबाद ब्लाक मवई, कस्बा बाबाबाजार। यहिके सड़क मा बरसात मा कीचड़ भरा रहाथै। अउर सूखा के दिन मा गांठ भै धूल उड़त बाय।
अशोक अउर मोम्मिद असरफ बताइन कि यहि सड़क परकी डी. एम. एस. डी. एम. अउर विधायक आवत जाथिन। लकिन केहू ई सड़क बनवावै कै ध्यान नाय करत हइन। कइव दांय हमरेव सब मरम्मत करावै के ताई अप्लीकेशन दिहन। लकिन कउनौ असर नाय हुवत बाय। यहिकैं जिला अध्यक्ष गड्ढ़ा मा ईटा कै अद्धा अउर माटी डलवाय के पटवावत हइन कब बने पता नाय।
जिला अध्यक्ष मीना गुप्ता बताइन कि सड़क बनै के ताई पास होइगै रहा। लकिन यहिकैं नेतालोग आपस मा विवाद करै लागिन। यही से अबहीं काम नाय हुवत बाय।