जिला महोबा, ब्लाक कबरई, गांव तिन्दवारी इते की टंकी कम से कम दस साल पहले बन गई ती लेकिन पांच साल से खराब डरी। इते आदमी पानी के लाने परेशान हो रए।
बरदानी ओपरेटर ने बताई के जा को स्टार्टर भी ख़राब हे मोटर भी ख़राब हे और नीचे जो पाइप हे बो भी ख़राब हे। और जो दो नंबर की टंकी हे बाकि भी जोई हालत हे।पहले ग्राम पंचायात के अंडर में हती सो हमने प्रधान से भी कई लेकिन कोनऊ सुनवाई नई भई। विटवा ने बताई के जा टंकी को बने बारह तेरह साल हो गई पानी नई आ रओ लेकिन अब।
संपत ने बताई के छह सात महीना से पानी नई आ रओ एक साल हो गई बोर सही नईया। पानी भोत लगत और पानी हे नईया सो परेशान होत कऊ तालाब से कऊ हैण्डपम्प से लेयात।
अनीता ने बताई के पानी की तो सबसे बड़ी परेशानी हे काय के पानी तो हर काम में लगत भोत खर्च होत। हम ओरन ने सब से कई कोऊ सुनत ही नईया।
रिपोर्टर- श्यामकली
13/10/2016 को प्रकाशित
