खबर लहरिया फैजाबाद सोवत मा मारिन गोली

सोवत मा मारिन गोली

f gaowजिला अम्बेडकरनगर, ब्लाक भीटी, गंाव तेरिया। हिंआ के मनइन कै आरोप बाय कि 4 सितम्बर का पचहत्तर साल के जवाहिर का रात मा सोवत समय केहू अज्ञात मनई गोली मार दिहिस। जिला अस्पताल मा जिन्दगी अउर मउत से जूझत अहैं।
गंाव वालेन कै कहब बाय कि भीखा कै बेटवा जवाहिर रात मा दस बजे खाना खायके घर के सामने रखी मड़ई मा सोवत रहिन। मोटर साइकिल से तीन मनई आइन राजकुमार कै घर पूंछिन। राजकुमार अपने मौसी के घरे रहाथिन। राजकुमार कै पिता जवाहिर वहीं सोवा बाटे। तीनौ अज्ञात मनई छप्पर मा घुसिके गोली मारि दिहिन। गोली कै आवाज सुनिके घर अउर गंाव वाले दउरिन तब तक तीनौ जने हवा मा फायरिंग कइके जान से मारै कै धमकी दियत भाग गइन। गांव वाले भीटी थाना मा सूचना दिहिन।
भीटी थाना कै एस.ओ. सोमेश्वर सिंह पुलिस बल के साथे घटना स्थल पै पहंुचिन। घायल जवाहिर का तुरन्त जिला अस्पताल मा भर्ती कराइन। जवाहिर कै पतोह संवारी देवी मेहरारू राजकुमारी थाना मा अज्ञात के खिलाफ केस दर्ज कराइन।
एस.ओ. सोमेश्वर सिंह बताइन कि अज्ञात के खिलाफ रिपोर्ट दर्ज बाय। छानबीन चलत बाय।