जिला चित्रकूट, ब्लाक कर्वी, बस अड्डा। हिंया गर्मी के कारन मड़इन का ठण्डा पानी पियैं खातिर कुछ मड़ई पानी के फ्रीजर मशीन लगवा दिहिन, पै मड़ई पानी पियैं खातिर तबहू तरसत हवैंे। काहे से मशीन के जघा मा बहुतै कांदौ अउर कूड़ा भरा हवै।
कर्वी बस अड्डा के सुमेर, कमलेश, गौरी, नारायण अउर तुलसी का कहब हवै कि मशीन तौ पानी के लाग हवै, पै देखै खातिर हवै। गंदगी अउर बदबू के कारन मड़ई पानी पियैं नहीं जात आय। दिन भर सुअर लोटत रहत हवैं।
मड़ई कूड़ा फेंकत रहत हवैं। पानी बरसै से हुंवा पानी भी भरा रहत हवै। कर्वी मा मड़ई आवत जात हवंै। पानी खातिर एक हैण्डपम्प दीपक टाकीज के लगे बस हवै। वहिमा भीड़ लाग रहत हवै। यहिसे मड़इन का समस्या आवत हवै।
कर्वी नगर पालिका के अधिशाषी अधिकारी लाल चन्द सरोज का कहब हवै कि यहिके बारे मा अबै पता लाग हवै तौ जल्दी सफाई करवा दीन जई।