जिला बांदा, ब्लाक नरैनी, क़स्बा तरहटी कालींजर। या गांव पर्यटक स्थल है। हेंया गांव घुसतै गन्दगी का अम्बार है। पंचायती राज के पांच साल पूरे होइगें पै एकौ बार नाली के सफाई नहीं भे आय। षौचालय भी निहाय जेहिसे कि यात्री अउर आम जनता परेषानी उठावैं का मजबूर है।
गांव के षंकरलाल कुषवाहा कहिन कि गांव की पूरी नाली जाम हैं। थोई बारिस होय मा कस्बा का रास्ता लबालब भर जात है। गांव के कल्लू कहिस कि तीन साल पहिले हमरे मोहल्ले मा पडा खडन्जा उखड़ गा है। प्रधान नींक से काम नहीं करवाइस रहै।
डाक्टर षेखू बताइन कि गांव मा अउर कस्बा मा यतनी गन्दगी है कि संक्रामक बीमारिन का बोलबाला है। कूड़ा से जात नाली बीमारिन का बुलावा देत हैं।
प्रधान वंदना दुबे का कहब है कि गांव के आबादी लगभग सोलह हजार है। दुई सफाईकर्मी हैं। महेष सफाई कर्मी के ड्यूटी कालींजर किला मा लाग है। दूसर सफाईकर्मी गिरधरपुर गांव मा करत है। गांव खातिर कउनौं सफाई कर्मी निहाय।
पंचायत जर्नादन कुषवाहा कहत है कि कालिंजर ग्राम पंचायत मा दुई सफाईकर्मी हैं। एक सफाईकर्मी अउर होय का चाही तौ व षासन के व्यवस्था आय।