कभे बनहे सड़क
जिला महोबा, ब्लाक चरखारी, गांव बपरेथा। ई गांव की लगभग एक किलोमीटर मेन सड़क खराब हे। ई रास्ता से लगभग हजारन आदमी ओर साधन निकरत हंे। पे प्रशासन कछू ध्यान नई देत हे।
गांव की भूरी, मिथलेश ओर विमलेश ने बताओ कि जा रास्ता लगभग बीस साल पेहले बनी हती। जोन तीन साल से खराब हे। ई रास्ता से लगभग हजारन आदमी खेत आउत जात हें। रास्ता खराब होय से साधन गांव तक नई आउत हे। अगर आउत हें तो खराब हो जात हें। अगर रात बिरात कोनऊ आउत हे तो गिर जात हे। जीसे हाथन पांवन में चोट आ जात हे। काय से रास्ता में गड्ढा हे ओर चारऊ गिट्टी-गिट्टी हे हमने प्रधान से केऊ दइयां कहो हे कि रास्ता सुधरवा दे, पे ऊ नई सुनत आय। प्रधान सावित्री ने बताओ कि ऊ रास्ता ग्राम पंचायत में नई आउत हे। ओर न हम विभाग में कहत हे। विभाग के कर्मचारी अपने से आ के बनवाउत हे।