जिला अम्बेडकर नगर ब्लाक अकबरपुर। हिंआ श्रम विभाग आफिस मा दिसम्बर 2015 से अंगूठा फिंगर मशीन बिगड़ी परी रही। मशीन खबर लहरिया के खबर के असर से 20 मई का बनिगै। आफिस मा उमड़ी भीर दूर दूर से आये मनइन का अब निराश होइके घरे वापस न लउटै का परे।
रमेश चन्द्र बताइन कि हम कइयौ बार आइके देखिके निराश होइके लउटि जात रहेन लकिन आज हमैं बहुत खुशी भै बाय कि अब काम होय जाये। श्रम विभाग आफिस मा 23 मई का लगभग तीन सौ मनइन कै भीर लाग रही। केहू पंजीकरण करावै आय रहिन तौ केहू अंगूठा कै निशान लगुवावै आय रहिन। नेनुवा बरामदपुर कै सुभाषचन्द्र केशवपुर से हासिमगढ़ छितुनी से तसा कटेहरी से रंगीना विद्यावती आय रहिन।
बड़े बाबू अरविन्द सिंह बताइन कि मौसम खराब हुवय से कबहूं कबहू छोड़ दियाथै। अंगूठा फिंगर मशीन बनिगै अब मनइन का दिक्कत न होये।