रेखा बतावत आपबीती
जिला बांदा, ब्लाक बबेरू, गांव कुचेंदू। हेंया के रेखा का 12 नवम्बर 2013 का रात 9 बजे गांव का गुड्डू अउर झल्लर दारू पी के मारपीट करिन हैं यहिसे वा बबेरू थाना मा रपट लिखावैं गे रही है।
रेखा कहिस कि गुड्डू अउर झल्लर दारू पिये गांव से बाहर बइठ रहैं। हम गाड़ी मा आवत रहन तौ गुड्डू अउर झल्लर झपट के मोर मनसवा अरमिर्दन अउर लड़का का खूबै मारिन हैं। इनतान मारिन कि हाथ मा सूझन आ गे है। खून तक निकर आवा है। एक तोला गले के चैन छीन लिहिस है। कहत रहैं कि हमरे मारपीट से या दरकी पट्टी भर बांधे हौं। या दरकी अगर पा जइहौं तौ अब न बचिहौ। इं हमेशा जुंआ खेलत हैं अउर दारू पियत हैं जेहिन का सउहें पा गें वहिका ही मारैं लागत हैं। हम कलजू रहैं तक नहीं पावत हन। यहिसे बबेरू थाने से कारवाही के मांग कीन है।
सुशील, झल्लर गुड्डू इनका कहब है कि जबै दारू सरकार के हेंया से आवत है तौ पियत हन। या झूठ का आरोप लगा के फंसावत है। बबेरू थाने का मुंशी राजेन्द्र शुक्ला का कहब है कि 151 धारा लगा के दूनौ पक्ष का चलान कई दीन गा है। आपस मा लड़ाई करिन हैं।