खबर लहरिया फैजाबाद मिड डे मील कै करिन जांच

मिड डे मील कै करिन जांच

downloadजिला फैजाबाद, ब्लाक मया। मया ब्लाक के कइयौ प्राथमिक विद्यालय अउर पूर्व माध्यमिक विद्यालय कै 10 अउर 11 जुलाई का स्कूल के व्यवस्था, मिड डे मील कै जांच  जिला पूर्ति अधिकारी किहिन। कमी पाये पै सब टीचर कै एक दिन कै बेतन काटिन।
बरईपारा कै प्रधानाध्यापिका अलका अउर स्वाती सहायक अध्यापक बताइन कि जेतना स्कूल सड़क के किनारे रहा वकै जांच किहिन। लगभग छह-सात स्कूल पकरेला, काजीपुर मांझा, समदा, देवरा कै जांच करिन। अउर पूंछिन कि स्कूल मा खाना बना थै, आंगन बाड़ी मा पंजीरी बांटा जा थै की नाय। रेनू सिंह, मंजू देवी शिक्षा मित्र बताइन कि हमरे सबसे स्कूल मा खाना बनै कै बात पूंछिन। अउर बच्चै न आवै कै कारण यतना कम काहे आवा थे। जैसे व्यवस्था देखिन सब लिखिके लै गये। जउने स्कूल मा कमी मिली सब टीचर कै एक दिन कै बेतन काटे अहै।
स्वाती सहायक अध्यापक बताइन कि प्रधान राशन कम भेजत रहे। यही से खना मा कमी पावा गै। कहिन कि तोहरे सबका बेतन मिला थै व्यवस्था तोहरे सबका देखै का चाही। प्रधान संतराम वर्मा बताइन कि बोरी के हिसाब से राशन मिला थै। जेतना हमें मिला थै वतना हम दै दी थी।
बिहार राज्य मा मिड डे मील खाये के बाद तेइस गेदहरा कै मउत होइगै। यकरे बाद उत्तर-प्रदेश के सब डी.एम का घोषणा पत्र भेजा गा बाय कि टीचर या स्कूल कै समिति सदस्य बच्चन के खाय से पहिले खाय। खाना अउर बर्तन कै हर महीना चालिस स्कूल कै जांच होये।