जिला फैजाबाद, ब्लाक मया, ग्रामसभा कौडि़ला। 20 जुलाई का दिन मा उर्मिला नाम के मेहरारू का जलावै कै आरोप बाय। मायके वाले आरोप लगाइन कि दहेज के ताई उनकै पति जलाय के मारि डारिन।
उर्मिला कै पिता रामनिहाल बताइन कि चार साल होइगै वियाह करे। पहिले मानत रहिन अब दुई साल कै एक लड़की भी बाय। जबसे लड़की भै तबसे अउर मारै लागिन। अगर नाय राखै का रहा तौ बताये होते नाहीं तौ हमरे घरे छोड़ देते। लकिन जलाय के मार डारिन जवन मंगते सब दीन जात लकिन कुछ बताये बिना आये दिन मारत पीटत रहिन। वहि दिन मिट्टी कै तेल डाारिके जलाय दिहिन। छानबीन मा तेल कै जरकीन मिली बाय। थाना मा रिपोर्ट दर्ज करायन।
गोशाईगंज थाना कै एस.ओ. नारेन्द्र सिंह बताइन कि कि मिट्टी के तेल कै डिब्बा मिला बाय। ठंनगनी के बेटवा संतकुमार उर्फ पिन्टू के ऊपर धारा 498अ (शादीशुदा महिला का पति या उसके ससुराल वाले जो उस पर हिंसा करे या महिला जिनके कारण आत्महत्या करे) 304बी 3/4 डी.पी. दहेज निषेध के तहत रिपोर्ट दर्ज भै बाय। आरोपी फरार आगे कार्यवाही कीन जात बाय।