मनरेगा मजदूर कै भूख हड़ताल

जिला अम्बेडकर नगर, ब्लाक कटेहरी। मनरेगा मजदूर समिति कै लगभग दुई सौ मनई 20 नवम्बर 2014 से अनिष्चित कालीन धरना पै बैठिन। इनके सबकै आरोप बाय कि पांच साल से मनरेगा मा काम नाय मिला।
मनरेगा मजदूर समिति कै अध्यक्ष रामअदालत वर्मा चिउटी पारा कै जगतपाल सिंह बताइन कि पांच साल से मनरेगा मा काम नाय मिला बाय। मनरेगा मा काम दियै या बेरोजगारी भत्ता दीन जाए। सरकारी नियम बाय कि मजदूरन का सौ दिन कै रोजगार मिलै। लकिन दसौ दिन कै काम नाय मिला। बारिस मा तौ एकदम से काम बन्द होय जाथै कहाथिन कहां काम करवाय जाए।
कुसुम अउर धींसा कै कहब बाय कि जब तक मंाग पूरा न होये भूख हड़ताल जारी रहे। एकौ महीना काम न मिलै से लगभग दुई सौ मनई बी.डी.ओ. का ज्ञापन दिहिन।
बी.डी.ओ. प्रदीप कुमार श्रीवास्तव बताइन कि हर मनई का काम दिया जाये। रोजगार सेवक, सिकरेट्री गंाव-गंाव मा जइहैं। घरे-घरे पूंछ के हर जाबकार्ड धारक का मनरेगा मा काम दै जाये। जेतना आवेदन जमा बाय। सबका पन्द्रह दिन मा काम मिल जाये।