जिला अम्बेडकर नगर, ब्लाक कटेहरी। हिंआ राजकीय आयुर्वेदिक चिकित्सालय बिना डाक्टर कै चलत बाय। मरीज कै इलाज एक फार्मासिस्ट डाक्टर के हाथे हुआथै।
इजाल करावै आइन सुनीताए दुर्गावतीए श्रद्धा बताइन कि हिंआ आयुर्वेदिक दवाई बढि़या अउर कम पइसा मा मिल जाथै। एक रूपया कै पर्ची मिला थै वहीही से दवाई दिया जाथै। गरीब मनई यही से आपन इलाज करावै आवाथिन। हिंआ डाक्टर नाय हइन एक फार्मासिस्ट के सहारे ई चिकित्सालय चलत बाय।
फार्मासिस्ट डाक्टर बेसराज यादव बताइन कि हमका तीन साल होइगै हिंआ आये पहिले डाक्टर रहिन। उनकैै मउत होइगै। दूसर डाक्टर कै नियुक्ति अबहीं नाय भै बाय।
क्षेत्रीय आयुर्वेदिक अधिकारी बीण्केण् त्रिपाठी बताइन कि चिकित्सक कै खाली पद का भरै शासन का निर्देश दिया जात बाय। शासन से प्राप्त संसाधन मा बेहतर इलाज कै प्रयास किया जात बाय। चिकित्सक के तैनाती होय के बाद दशा मा सुधार आए जाए।