बिजली के बढ़ते बिल को लेकर बांदा जिला के अतर्रा तहसील के मड़ई 3 अप्रैल का प्रदर्शन करिन हैं अउर एसडीएम का ज्ञापन दिहिन है। एसडीएम प्रहलाद सिंह का कहब है कि बिल के बारें मा ज्ञापन मिला है। एसडीओ हर बुद्धवार का मौके मा जाके इनतान के समस्या का खतम करत है।
बिदाई लाल का कहब है कि एक साल का सरसठ हजार बिल आवा है। नगीना बताइस कि हमार पैतीस हजार से ऊपर का बिल आवा है। जबै मीटर लाग रहै तौ सौ रुपिया के हिसाब से बिल दे का कहा गा रहै, अब तौ बहुतै ज्यादा बिल भेजत हैं। गरीब मड़ई का कइ सकत हैं। ललिता का कहब है कि जून के महीना मा दस हजार इकहत्तर रुपिया बिल आवा है अब बढ़ा के एक लाख तिरसठ हजार कइ दिहिन है, येत्ता बिल हम कसत भरबै? योगी का राज है जेल भेजी तौ जेल जायें का पड़ी।
रिपोर्टर- सुनीता
Published on Apr 6, 2018
