खम्भा बाय बिजली नाय
जिला फैजाबाद, ब्लाक मया, गांव कनकपुर अउर ब्लाक तारुन गांव ऊंचगांव । हिंआ कनकपुर बाजार के पीछे सीमेन्ट कै दुई खम्भा डेढ़ साल से गिर गै बाय अउर ऊंचगांव मा छः-सात साल होइगा नपे तबौ नाय लाग बिजली।
ऊंचगांव कै पुष्पा, जशोदा, पतिराजी बताइन कि हमरे सबका यतना दिन रहत होइगा। बिजली कै सुख नाय मिला। यहि गर्मी मा बिजली हुअत तौ यतना झंखै का न परत। लहूरी, रामू बताइन कि एक बार नापा गा रहा। छह-सात साल होइगा अबहीं तक बिजली नाय लाग दूर से लकड़ी के बल्ली मा तार खींच के गांव कै एक जने लाय अहै। उनही खिया पूरे गांव के मोबाइल चार्ज हुआ थै। जेई जे.पी. गुप्ता बताइन कि अबहीं वहि गांव के ताई कउनौ योजना नाय आय बाय।
मया ब्लाक कै प्रमोद, सोनी, दीनदयाल बताइन कि हमरे सब बांस गाड़ के बिजली खींच हई। जवन यहि समय राही मा लटका बाय। गेदहरै बांस कै खम्भा पकरि के झूला थे डर लागा थै कहूं खतरा न होय जाए। सीमेन्ट कै खम्भा लगावै ताई प्रधान से कहेन तौ प्रधान कहिन कि यहि साल बिजली यहि मोहल्ला मा लागि जाये। प्रधान साधूराम बताइन कि बिजली खम्भा अभयसिंह विधायक के माध्यम से पास भै बाय। लगुवावै खातिर जिला पंचायत सदस्य के द्वारा गांव मा पहुचावै कै आदेश भै बाय। जिला पंचायत विमला गुप्ता बताइन कि विधायक निधि से मांग करे हई अबहीं बजट पास नाय भै बाय।
मया ब्लाक कै प्रमोद, सोनी, दीनदयाल बताइन कि हमरे सब बांस गाड़ के बिजली खींच हई। जवन यहि समय राही मा लटका बाय। गेदहरै बांस कै खम्भा पकरि के झूला थे डर लागा थै कहूं खतरा न होय जाए। सीमेन्ट कै खम्भा लगावै ताई प्रधान से कहेन तौ प्रधान कहिन कि यहि साल बिजली यहि मोहल्ला मा लागि जाये। प्रधान साधूराम बताइन कि बिजली खम्भा अभयसिंह विधायक के माध्यम से पास भै बाय। लगुवावै खातिर जिला पंचायत सदस्य के द्वारा गांव मा पहुचावै कै आदेश भै बाय। जिला पंचायत विमला गुप्ता बताइन कि विधायक निधि से मांग करे हई अबहीं बजट पास नाय भै बाय।