बिगड़ा परा हैण्डपम्प

जिला फैजाबाद, ब्लाक तारुन। ब्लाक मुख्यालय पै गेट के पास झाड़ी मा नल बिगड़ा पड़ा बाय। लगभग तीन चार साल होइगा। न साफ सफाई भै न ही बनुवायगै।
ब्लाक पै आवै जाए वाले मनई सुनीता, मनोज, शीतला प्रसाद बताइन कि जब सामुदायिक स्वास्थ्य केन्द्र यहिं रहा तब ई नल चलत रहा। अब तीन साल पहिले सामुदायिक स्वास्थ्य केन्द्र दुसरी जगह बनिगै तबसे ई नल बिगड़ा परा बाय। न केहू अधिकारी साफ सफाई करवाइन न ही बना। अगर बनिं जात तौ आवत जात मनई पानी पियतिन। लकिन न बना न अबहीं कउनौ अधिकारी कर्मचारी आवाज उठावत अहं।
ए. डी. ओ. पंचायत शेषदेव पाण्डेय बताइन कि जब स्वास्थ्य केन्द्र चलत रहा तब लाग रहा। यकरे बारे मा हम ज्यादा जानकारी न दै पाउब।