बाढ़ पीडि़त खातिर इकट्ठा करत पैसा

जिला फैजाबाद, ब्लाक मया, कस्बा गोशाईगंज। हिंआ 13 सितम्बर 2014 का जम्मू कश्मीर मा बाढ़ राहत खातिर जुटावत पैसा। जेसे हुंआ पै बची जनता कै सहयोग होय सकै।
सभासद हनुमान सोनी, छेदीलाल, सुनील जायसवाल बताइन कि जवन जम्मू कश्मीर मा बाढ़ से तहस नहस होय गै बाय तौ वहीं खातिर हिंआ से पैसा इकट्ठा कइके हुआ पै अनाथ बच्चन कै देख रेख, परवरिस के ताई पैसा जुटावत अहै। यहि नाते प्रधानमंत्री सब शहर अउर जिला, कस्बा के कर्मचारी अउर आम जनता से पैसा इकट्ठा कइके जम्मू के जनता तक भेजवावै की ताई ई तरीका अपनाये बाटे।
हनुमान सोनी, चेयरमैन रमेष चन्द्र कशौधन कहिन हमरे हिंआ से जेतना भै दुकानदार हइन वे सब अपने कमाही के हिसाब से सहयोग करत हइन। जेसे दुनिया कै कउनौ राज्य दुख के घड़ी मा अकेला न महसूस कै सकै। ऐसेन दसा एक सौ नौ साल बाद फिर से ई हालत भै बाय। कल अउर कउनौ राज्य मा होय सकाथै हम देशवासी हई सहयोग करब हर नागरिक कै कर्तव्य हवै।