बांदा से कानपुर जायें वालेन के खातिर खुशखबरी है कि बहुतै इंतजार करै के बाद बस चलाई गें हैं। हेंया के मड़ई बहुतै दिन से बस के मांग करत रहै। बस चलें से अब मड़इन का गाड़ी का इंतजार न करे का पड़ी, न आपन खुद के गाड़ी मा जायें का पड़ी।
रामबाबू का कहब है कि हेंया के मड़ई बहुतै दिना से बस के मांग करत रहे हैं, अब जा के उनकर या मांग पूर भे है। कैलाश साहू का कहब है कि जबै बस शुरू नहीं भें रहै तौ मड़ई मोटरसाइकिल अउर आपन प्राइवेट गाड़ी कइके कानपुर जात रहै।बस शुरू होय से मड़ई आसानी से कानपुर जा सकत हैं। डाक्टर दयाराम का कहब है कि बस शुरू होय से मड़इन का सुविधा मिली हैं, जेहिसे मड़ई बहुतै खुश हैं। बस तौ शुरू होइगें है पै अबै हेंया के सड़क के हालत बहुतै खराब है। आशा करित है कि सड़क मरम्मत का काम भी जल्दी करावा जई।
रिपोर्टर-शिवदेवी
Published on Dec 6, 2017
