खबर लहरिया बाँदा बांदा जिले के जसपुरा डाकघर में नहीं है कोई काम करने वाला, लोग खुद से लेते हैं अपने पत्र

बांदा जिले के जसपुरा डाकघर में नहीं है कोई काम करने वाला, लोग खुद से लेते हैं अपने पत्र

जिला बांदा, ब्लाक जसपुरा, कस्बा जसपुरा हेंया का डाक खाना पोस्ट मास्टर के सहारे चलत हैं।डाकखाना मा एकौ कर्मचारी नहीं आही।पोस्टमास्टर बस है यहै कारन मड़इन के डाक रजिस्ट्री अउर आधार कार्ड जइसे जरुरी कागज डाकखाना मा पड़े रहत है जेहिमा मड़ई खुद ढूढ के लइ जात है। डाकखाना मा मार्च 2017 से 525 डाक पड़े है जेहिमा सरकारी डाक भी है पै पहुँचावे वाला कोउ नहीं आय। जिला बांदा, ब्लाक जसपुरा, कस्बा जसपुरा हेंया का डाक खाना पोस्ट मास्टर के सहारे चलत हैं।डाकखाना मा एकौ कर्मचारी नहीं आही।पोस्टमास्टर बस है यहै कारन मड़इन के डाक रजिस्ट्री अउर आधार कार्ड जइसे जरुरी कागज डाकखाना मा पड़े रहत है जेहिमा मड़ई खुद ढूढ के लइ जात है। डाकखाना मा मार्च 2017 से 525 डाक पड़े है जेहिमा सरकारी डाक भी है पै पहुँचावे वाला कोउ नहीं आय।  डाकविभाग के सहायक अधीक्षक कोमल सिंह का कहब है कि पूर बांदा जिला मा 20 साल से कउनौ भर्ती नही भे आय। के डाक खाना मा कर्मचारिन के पद खाली पड़े है 172 पद मा 90 पद मा कर्मचारी काम करत है बाकी पद खाली पड़े है।जल्दी–जल्दी से खाली पद भरे जइहैं। पोस्टमैन सुमरीदीन का कहब है कि दौउड़े का काम नहीं करे पावत आहूं कउनौ नवा लड़का ला लगा दीन जाए तौ डाक पहुँचावे का काम करै लागे काहे से मड़इन के डाक अउर सरकारी डाक सब हेंया डाकखाना मा पड़ी रहत है। जुलाई मा जबै से पोस्टमैन रिटायर भा है तबै से हेंया बहुतै काम रहत है डाक ढूढ़े खातिर मड़इन के भीड़ लाग रहत है। यहै खातिर क्लर्क अउर दुइ पोस्टमैन के मांग कीन गे है अबै तक कुछौ सुनवाई नहीं भे आये। धर्मेद्र सुनील कुमार वर्मा अउर मुन्ना बताइन कि हमार कउनौ डाक रजिस्ट्री आधार कार्ड डाक खाना आवत है तौ हमें खुदै दुढ़े आवे का पड़त है काहे से डाक खाना मा एक पोस्टमास्टर बस काम करत है। पैलानी पोस्टमास्टर भास्कर तिवारी का कहब है कि जसपुरा मा डाक खाना आफिस बनवावा जई अउर जल्दी पोस्ट मैन के भर्ती कीन जई। जिला बांदा, ब्लाक बड़ोखर खुर्द 12 जुलाई से 14जुलाई तक  हेंया 3 दिवसीय सरकारी मेला अउर प्रदर्शनी लाग रहै। या मेला प. दीनदयाल उपाध्याय अन्तोदय जनशताब्दी के अवसर मा लगावा गा रहै। सूचना अउर जनसम्पर्क विभाग कइत से  प्रदर्शनी लगाई गे रहै जेहिमा गरीबन का सरकारी योजना के जानकारी दीन गे है। प्रदर्शनी का उद्घाटन सी.डी.ओ राजकुमार करिन है अउर समापन सांसद भैरों प्रसाद करिन है।  सूचना जनसम्पर्क विभाग के उपनिदेशक भूपेन्द्र सिंह यादव का कहब है कि उद्यान कृषि अउर स्वास्थ्य विभाग सब या मेला मा आपन-आपन दुकान लगाये रहै जेहिमा उंई आपन विभाग के योजना के बारे मा मड़इन का जानकारी दिहिन है।  स्वास्थ्य विभाग के डा.मोहम्मद खरीफ का कहब है कि गरीबन के स्वास्थ्य खातिर जउन योजना आवत है हम वहिके जानकारी देइत हन। आशा बहु माया बताइस कि बच्चा के वजन के बारे मा हम मड़इन का जानकारी देइत हन। रामचन्द्र बताइस कि हमें या मेला मा खेती के बहुतै नींक-नींक योजना के बारे मा पता चला है।  यहिके पहिले हमें इं योजना के बारे मा कुछौ पता नहीं रहा आय।  सांसद भैरों प्रसाद का कहब है कि मड़इन का जागरूक करै का खातिर या प्रदर्शनी लगाई गे है। जेहिमा गरीबन खातिर चले वाली योजना के बारे मा बतावा गा है इनतान के प्रदर्शनी सबै ब्लाकन मा कराई जई।

रिपोर्टर- मीरा देवी

14/07/2017 को प्रकाशित