जिला बांदा, ब्लाक तिन्दवारी, गांव गुगौली किसानन का हर तान के मार झेले का पड़त है। सूखा,बाढ़ अउर ओला के कारन किसान परेशान पै हेंया के किसानन का दुइ साल से मुआवजा नहीं मिला आय। यहै कारन किसान खाद अउर बीज नहीं खरीद पावत आय।जिला बांदा, ब्लाक तिन्दवारी, गांव गुगौली किसानन का हर तान के मार झेले का पड़त है। सूखा,बाढ़ अउर ओला के कारन किसान परेशान पै हेंया के किसानन का दुइ साल से मुआवजा नहीं मिला आय। यहै कारन किसान खाद अउर बीज नहीं खरीद पावत आय। तहसीलदार धीरेन्द्र कुमार का कहब है कि पिछले साल मुआवजा का रुपिया आवा रहै तबै बाँट दीन गा रहै अबै या साल का रुपिया नहीं आवा आय। रामदीन अउर राजकरन सिंह का कहब है कि हमार दुइ साल से फसल ख़राब होइ जात है पिछले साल मुआवजा मिला रहै पै या दरकी मुआवजा नहीं मिला आय। एक दरकी 9 हजार का मुआवजा मिला है। अबै तक 42 किसानन का मुआवजा नहीं मिला आय। चंद्रभूषन का कहब है कि फसल ख़राब होइ जाये से हमें बहुतै परेशानी होत है। चना,अलसी अरहर सबै फसल ख़राब होइ गई है। चना अउर अरहर का कीड़ा खा गे है जेहिसे चार बीघा फसल ख़राब होइ गे है डी,एम के लगे 10-15 किसान मुआवजा के मांग करै गें रहै पै अबै तक साल से मुआवजा नहीं मिला आय।
रिपोर्टर- शिवदेवी
Published on Jul 27, 2017
