बाँदा जिले के बिछुवाही गाँव में पच्चीस सालों से बंद है पानी की सप्लाई

जलनिगम विभाग करोड़न रुपिया लगा के पानी के टंकी बनवाइन रहैं पै या पानी के टंकी खाली देखै खातिर बनीं है। पच्चीस साल से या टंकी से सप्लाई का पानी बंद है जेहिसे हेंया के मड़इन का पानी खातिर बहुतै दूरी जायें का पड़त है। या समस्या जिला बांदा, ब्लाक तिंदवारी, गांव बिछुवाही के आय।
आंगनबाड़ी सहायिका चुन्नी देवी का कहब है कि बंधा के वा पार से पानी लें जायें का पड़त है काहे से हमार केंद्र के लगे एकौ हैन्डपम्प नहीं लाग आहीं।गर्मी मा तौ बहुतै परेशानी होत है। पानी के नाम मा कुछौ सुविधा नहीं आय। आंगनबाड़ी कार्यकर्ता सुषमा बताइस कि दुसरेन के घर के लगे हैन्डपम्प लाग है पानी लें जइत है तौ मड़ई बहुतै बात कहत हैं।मोर घर मा चार भइंस हैं जेहिसे कइयौ दरकी पानी ले जाए का पड़त है। सप्लाई वाले नल मा पानी नहीं आवत तौ बहुतै परेशानी होत है। विजयकरन सिंह बताइस कि पहिले टंकी से पानी सप्लाई होत रहै पै अब पच्चीस साल से बंद पड़ी है। हमार गांव मा कइयौ मड़ई सप्लाई वाले नल का कनेक्शन कराइन रहैं।
प्रधान प्रतिनिधि राजकरन का कहब है कि हमार गांव मा बहुतै दूरी से पानी आवत है पता नहीं कहां–कहां पाइप टूट हैं तौ पानी बहि जात है। जल-कल विभाग के जेई आर एल मौर्य का कहब है कि जउन जघा पाइप लाइन टूट है हुंवा ट्यूबवेल  लगा के पानी के कमी दूर कीन  जात है। जबै रूपिया अई तौ टूट पाइप लाइन बनवा दीन जई।
रिपोर्टर-शिवदेवी 

Published on Nov 29, 2017