जिला बांदा, ब्लाक तिन्दवारी गांव बेंदा 15 मार्च का पिंटू सिंह के परिवार का एक्सीडेंट होइ गा है जेहिमा दुइ मड़इन के जान चली गे है अउर पांच मड़ई बहुतै ज्यादा घायल है।तिन्दवारी पुलिस ट्रक चलावे वाले का पकड़ लिहिस है धारा 229, 337, 336 के तहत केस दर्ज कइ लिहिस है।
कमल सिंह का कहब है कि हमार भइया के शादी होय वाली है। यहै कारन घर के 7 मड़ई टैंम्पो से तिन्दवारी सामान खरीदे जात रहै। तबै एक ट्रक वाला टैंम्पो मा टक्कर मार दिहिस। ट्रक वाला दारू पी के ट्रक चलावत रहै। यहै कारन एक्सीडेंट भा है। एक्सीडेंट मा सब घायल है बांदा मा भर्ती है।
लोकराज वर्मा का कहब है कि पहिले घायलन का बांदा मा भर्ती करायें हन फेर दुइ मड़इन का कानपुर रिफर कइ दिहिन है। कानपुर या एक्सरा कीन गा तौ कहिन ठीक है। वापिस ले आय हन तीन मड़ई बांदा मा भर्ती है जेहिमा दुइ मेहरियन अउर एक मनसवा है।
टैंम्पो चलावे वाला अनिल बताइस कि हम मोड़ मा रहै हन तौ फतेहपुर से ट्रक आवा अउर अचानक हमार टैम्पो का टक्कर मार दिहिस है। जेहिसे हम बेहोश होइ गये हन।
रिपोर्टर- शिवदेवी
20/03/2017 को प्रकाशित
