जिला चित्रकूट, ब्लाक पहाड़ी, का एक गांव। हिंया के विद्या मंदिर इंटर कालेज के एक मास्टर अरूण कुमार के ऊपर कालेज के एक लड़की के साथै बलात्कार करै का आरोप हवै।
लड़की के बाप का कहब हवै कि पहाड़ी ब्लाक के एक गांव मा बांदा जिला, गांव कुरेहा का रहैं वाला अरूण कुमार मास्टर पढ़ावत रहै। वा कक्षा आठ मा पढै़ वाली मोरे लड़की के साथै घर जाये के समय 21 अक्टूबर 2014 का बलात्कार करिस अउर लड़की से कहिस कि या बात कउनौ से न बतइहै नहीं तौ तोहिका जान से मार देहूं। लड़की घर आई तौ वा पूर आपन बीती बताइस।
या घटना के रपट पहाडी थाना मा 22 अक्टूबर 2014 का मोरे साथै गांव के सौ मड़ई गें रहैं। बहुतै हंगामा के बाद रपट लिखी गे हवै।
पहाड़ी थाना के दरोगा हरिशरण यादव कहिन कि अरूण कुमार का पुलिस साईपुर गांव से पकड़ लिहिस हवै। वहिका जेल भेज दीन गा हवै। वहिके खिलाफ 376 बलात्कार, 504 गाली गलौज अउर 506 जान से मारैं के धमकी दंे के धारा लाग हवै।