जिला महोबा, कोतवाली क्षेत्र। एते के एक महिला को आरोप हे कि 1 जून खा सुबेरे 4 बजे गनेशा ने छेड़खानी कर बलात्कार करें की कोशिश करी हे। रिपोर्ट लिखायें पे जिन्दा जलाये की धमकी दई हे। दो दिन बंधक बनाये रहे। मुश्किल से छुटकारा पाके ओरत न्याय के लाने 2 जून खा तहसील दिवस में एस.पी. ओर डी.एम. खा दरखास दई हे।
ओरत ने बताओ कि मोओ आदमी बाहर दिल्ली में मजदूरी करत हे। में अपने छोट्-छोट् बच्चन के साथे रोज के जेसे साउत हती। तभई गनेशा मोई छत में आ गओ ओर मोये साथे छेड़खानी करन लगो मेने आवाज करी तो ऊखी ओरत आ गई ओर बीच बचाओ करो। तभई गनेशा मोये गाली देके ओर कोनऊ से बताये पे जिन्दा जलाये की धमकी दई। चोरी से मेने आपने बाप खा बुलाओ ओर तहसील दिवस में दरखास दई हे।महोबा कोतवाली के कोतवाल शिवशंकर शुक्ला बताउत हे कि धारा 151 के तहत चलान कर गनेशा खा जेल भेज दओ हे।