खबर लहरिया औरतें काम पर जिन्दा जलावै के कोशिश

जिन्दा जलावै के कोशिश

mahila mudda tindvariजिला बांदा, ब्लाक तिंदवारी, कस्बा तिंदवारी। हेंया के रजनी का आरोप है कि पति दहेज खातिर मारपीट करत है। 24 मई का मिट्टी का तेल डाल के जलाये देत रहै। बडे मुष्किल से थाना पहुंची। होंआ रपट न लिखैं से 28 मई का एस.पी. का दरखास दिहिस है।

रजनी बताइस-“मोर मायका मौदहा गांव जिला हमीरपुर आय। 2008 मा मोर षादी तिन्दवारी कस्बा के अरबिन्द उर्फ पप्पू से भे रहै। षादी के बाद दस हजार रूपिया अउर मोटर साइकिल के मांग कइके मारपीट करत रहैं। 24 मई का पति अउर सास ज्ञानबाई मिट्टी का तेल डाल के जलावैं का प्रयास करिन। पति अउर सास मोरे तीनौं लड़की का दई के घर से भगा दिहिन। मैं एस.पी. के हेंया आईंव। महिला थाना भेज दिहिन। होंआ से इलाज चलत है। मैं बाप का बुला के मइके चली गइंव। होंआ से अरबिन्द उर्फ पप्पू का समझावैं खातिर फोन कीन गा तौ वा सबै का मार डालै के धमकी दिहिस है। मोहिका डर है कि मोर अउर मइके वालेन के ऊपर कतौ भी घटना कई सकत है। अरबिन्द उर्फ पप्पू से बात करैं कोषिष कीन गे पै कारवही नहीं भे।

एस.पी. राकेश शंकर का कहब है कि या मामला मा था तिंदवारी से जांच कराई जई। मामला सही पावा गा तौ कारवाही कीन जई।