जिला फैजाबाद, ब्लाक मसौधा, गाँव शिवदासपुर के शिवदास पुर गाँव मा अचानक छज्जा गिरे से 17 साल के विशाल कै मउत होइगै। एहि दुखद घटना से परिवार सदमा मा बाय।
प्रियंका विशाल कै ममेरी बहन कै कहब बाय कि तीन जने साथ मा खड़ा रहे विशाल मोबाइल मा बात करत रहे। जब छज्जा गिरे कै आवाज आई तौ उनके दुई जने कहिन भागा लकिन विशाल का सुनान नाय। जब तक भागे का करिन तब तक छज्जा उनके ऊपर गिरगा। जब गोहार लगायन तौ सब निकारिन।
अनिल कुमार के कहब बाय कि लड़के दूकान पै पैसा डरूवाइन वकरे बाद खड़ा होइके बतियात रहे। विनीता विशाल कै बहन कै कहब बाय कि हम जानवर का पानी पियावत रहेन। भैया से कहेन चला घरे चाय पी आवा नाय आये। जैसे घरमा गयन बाल्टी रखेंन वैसे छज्जा गिरे कै आवाज आई। अउर वहिके नीचे दबाय गइन।
मूरत देवी कै कहब बाय कि एक महीना बने भा बाय। नया बना रहा अचानक गिर गए। पुलिस के अनुसार ई निजी घटना आय कउनौ कारवाही नाय होय सकत।
रिपोर्टर- मनीषा
Published on Apr 4, 2017
