फैजाबाद बार ऐसोसिएशन के 2016 -17 का चुनाव 28 जुलाई को हुए

जिला फैजाबाद। ब़ार एसोसिएशन के 2016 -17 कै चुनाव 28 जुलाई का भए। जेहमा हर अधिवक्ता बढ़-चढ़ के हिस्सा लिहिन। चार पद पै चुनाव महामंत्री अध्यक्ष उपाध्य्क्ष अउर ज्वाइन सिक्रेटरी के पद कै चुनाव भे। हर साल इ चुनाव जुलाई महीना मा हुआथै। इ चुनाव हर चुनाव से अलग हुआ थै। एहमा चुनाव प्रचार प्रसार के ताई कौनो लाउडस्पीकर कै इस्तेमाल नाय हुवत। जे जीता थै वका हारय वाला प्रत्याशी गले लगाए के पहिले जैसे भाईचारा कै व्यवहार कराथिन।

बब्बन प्रसाद चौबे बताईन कि चुनाव प्रकिया निष्पक्ष अउर स्वच्छ हुआ थै। सब एक दुसरे कै सहयोग कराथे।कहै के ताई ओट मांगें के ताई सब अलग अहै वकरे बाद सब एक होय जाथिन । ई हमरे सबके आपन एक संस्था आय। हमरे पास इतना भाई चारा बाय कि सब मिल जुल के काम कराथिन। संस्था चलावे के ताई उद्देश्य के अनुसार व्यवस्था कीन जाथै।

एडवोकेट प्रेम कृति तिवारी बताईन कि हम अकेल महिला एडवोकेट ज्वाइन सिक्रेटरी प्रथम पद चुनाव के ताई खडी हई हमै पूरी उम्मीद बाय की हम जीत जाब। राकेश कुमार यादव बताईन कि ब़ार एसोसिएशन हमार सामूहिक रूप से संगठित बाय। चुनाव से वसे कौनो लेना देना नाय बाय। चुनाव ख़तम हुवे के बाद साल भर सब आपन आपन काम कराथिन। अगले साल फिर चुनाव हुआथै। राजेश उपाध्यक्ष एडवोकेट कहिन कि चुनाव मा कभो हल्ला गुल्ला नाय हुवत। कैम्पस कै चुनाव आय। शान्ति पूर्ण तरीके से हुआथै।  

वरिष्ठ अधिवक्ता प्रदीप कुमार चौबे बताईन कि जीते के बाद पद ग्रहण हुआ थै। न्यायिक अधिकारी, सांसद बिधायक आवाथिन। माल्यार्पण हुआथै। कहू भी कौनो मैटर हुआथै। तौ हमार अध्यक्ष उपाअध्यक्ष चुनी गे कार्य कारिणी सहयोग कराथिन। ध्रुबजीत वर्मा वरिष्ठ अधिवक्ता बताईन कि जे जीता थै वका हराए वाला प्रत्याशी गले लगायके बधाई दियाथै।

फैजाबाद बार ऐसोसिएशन के 2016 -17 का चुनाव 28 जुलाई को हुए.जिसमे हर अधिवक्ता ने बढ़ चढ़ के हिस्सा लिया.