खबर लहरिया फैजाबाद चुनावी वादों में से एक था फैजाबाद जिले के जलालपुर की बदहाल सड़क ठीक करवाना

चुनावी वादों में से एक था फैजाबाद जिले के जलालपुर की बदहाल सड़क ठीक करवाना

जिला फैजाबाद, ब्लाक बीकापुर, क़स्बा रामपुर भगन पिपरी चौराहा से चनहा चौराहा  का जाय वाली लगभग पचीस किलोमीटर सड़क मरम्मत के आभाव मा बदहाल होयगए बाय। शिकायत के बाद भी येही सड़क कै केहू सुधि नाय लियत बाय।समस्या ई बाय कि हल्की बरसात मा भी गांठ भर पानी भरि जाथै। जेसे कइयो महीना तक मनइन कै रोजगार बंद होय जाथै।जिला फैजाबाद, ब्लाक बीकापुर, क़स्बा रामपुर भगन पिपरी चौराहा से चनहा चौराहा  का जाय वाली लगभग पचीस किलोमीटर सड़क मरम्मत के आभाव मा बदहाल होयगए बाय। शिकायत के बाद भी येही सड़क कै केहू सुधि नाय लियत बाय।समस्या ई बाय कि हल्की बरसात मा भी गांठ भर पानी भरि जाथै। जेसे कइयो महीना तक मनइन कै रोजगार बंद होय जाथै। रामपुर भागन क़स्बा के मोनू सोनी कै कहब बाय कि रामपुर भगन क़स्बा मा आये दिन दुर्घटना हुआ कराथै। पिछले महीना एक लड़का लड़की जात रहे फिसल के गिर गये एक्सीडेंट होइगा जेसे काफी चोट आय। इलाज करवाय के फिर आगे गये।मेंन समस्या जवन बाय जउने ठेकेदार का टेंडर पास भा बाय तौ अगर सड़क के साथ नाली भी बन जात तौ सगरौ समस्या दूर होय जात। कृष्ण लाल कै कहब बाय कि जब पानी बरस जाथै तौ दुई चार महीना हमरे सब बैठा रहीथी काहे से जनता इधर आवत नाय। जहां सूखा रहाथै उधर से ही खरीद के चली जाथै।जेसे बहुत घाटा होइ जाथै। मनइन का योगी अउर मोदी सरकार से बहुत उम्मीद रही इहै सोचके वोट दिहिन कि सरकार बदले तौ हम सबकै विकास होये।पर मनइन मा निराशा येही बात कै बाय की यहिकै विधायक शोभा सिंह चुनाव जीते के बाद आज तक दिखाई नाय परिन। शुभम रामपुर भगन क़स्बा कै कहब बाय कि वादा के हिसाब से तौ सड़क बन जाय का रहा पहले कहिन दुर्गापूजा तक रोड बन जाये नाय बना फिर दुई तीन महीना इन्तजार, फिर चुनाव के पहिले बन जाये। अउर अब चुनाव भी होइगा लकिन कुछ पता नाय बाय कब बने। किरण गुप्ता बाजारवासी कै कहब बाय की वादा करिन लकिन जबसे जीत गइन तबसे येही क़स्बा मा आइन नाय। पी.डब्लू.डी विभाग के अधिशासी अभियंता एस.के. रावत कै कहब बाय कि सैतिस सौ लाख रुपया के अधिकृत केंद्रीय मार्ग निधि योजना मा ग्यारह सौ छप्पन लाख रुपया कै काम होय चुका बाय।

रिपोर्टर- संगीता