जिला फैजाबाद अउर अम्बेडकर नगर। 9 सितम्बर का कांग्रेस पार्टी के राष्ट्रीय उपाध्यक्ष राहुल गाँधी फैजाबाद अउर अम्बेडकर नगर के कई गांव मा पहुचे। राहुल गाँधी की सभा मा हजारन के संख्या मा किसान मौजूद रहिन. राहुल गाँधी किसानन कै कर्जा माफ़ करै कै आश्वासन दिहिन। का येहि आश्वासन के भरोसे कांग्रेस कै राज्य मा खाता खुल पाये। 27 साल के बाद कांग्रेस फिर से सत्ता मा आवै चाहत बाय. एकरे ताई राहुल गाँधी कै दौरा बहुत जरुरी रहा। हजारन के संख्या मा किसान सभा मा आइन केहू का बिकास कै उम्मीद रही तौ केहू का खटिया कै?
हरिवंश कहिन की किसानन का बुलावा गए बाय जेह्मा किसान आमने सामने आपन समस्या सुनैइहै। किसानन के समस्या कै जबाब देइहे. राहुल गाँधी कै मेंन मुद्दा बाय किसानन कै कर्जा माफ़ करना। शालिनी देवी कहिन की प्रचार प्रसार हुवत रहा तौ हमरेव सब सुनै चला आयेन। रामप्रताप यादव अउर विद्या कहिन की जनता से पता चला की खटिया मिले। अउर हमरेव सब आपन समस्या कही पाउब।
साबित्री, मीरा, मिथलेश कहिन की रासन नाय मिलत ना ही कालोनी बाय। कौनो तरह गुजरा हुवत बाय। येहि सब समस्या का रखा जाये. जवन कहिहै सुना जाये।
रिपोर्टर- संगीता और आरती
फैजाबाद और अम्बेडकरनगर में हज़ारों लोग राहुल गाँधी की सभा में आये। राहुल गाँधी ने किसानों को कर्ज़ा माफ़ करने का आश्वासन दिया। क्या इस आश्वासन के भरोसे कांग्रेस का राज्य में खाता खुलेगा?
