जिला फैजाबाद, ब्लाक मया, कस्बा बाकरगंज, मजरा सरायबैरीसाल। यहि गांव मा डेढ़ महीना होय जात बाय वृद्धा पेंशन कै फार्म भरे लकिन जिला मा अबही जमा नाय भै रहा।
अनीता, फातिमा, जिन्तुलनिशा बताइन कि हमरे सब दुई साल से पेंशन बनवावै खातिर प्रधान से कहत हई बेटवै अपने परिवार मा तबाह हईन तौ वे यहि बूढ़ महतारी कै खर्चा पानी काव देख पइहै। हर छठवें महीना अट्ंठारह सौ रूपया मिलत। तबौ अपने तम्बाकू पान साबुन निरमा भरे का हुआ करत। यै जवन प्रधान अहै अबकी तीसरी बार प्रधान भये तउने पै हमरे गाँव विकास कै कउनौ काम नाय भै बाय।
प्रधान रामयज्ञ बताइन कि हम जैसे अपने गाँव कै काम करीथी वैसे दुसरे गाँव मा अबही जल्दी ही उप स्वास्थ्य क्रेन्द्र अउर गाव के मोड़ पै मरकरी लाइट लगवायन। पेंशन कै फार्म भराय के ब्लाक मा जमा कराय दिहे हई।
सिकरेट्री जीसान हैदर बताइन कि फार्म का जिला मा भेज दिया गा बाय। जब जंाच होये तब जेकरे नाव आय वका मिले।