फसल जल के भई खाक

जिला महोबा, ब्लाक जैतपुर, गांव मुढ़ाहरी। एते 8 अप्रैल 2013 खेे खलक सिंह के खलिहान मे आगी लग गई हती। जीसे चार बीघा खेत के जबा जल के राख हो गए हे। जीखी जांच लेखपाल ने करी हे।
खलक सिंह कि ओरत ओर बहु विमला ने बताओ कि हमाए चार बीघा खे लाक जले से हमाओ लगभग चालिस हजार रूपइया को नुकसान भओ हे। गल्ला तो जेसे-तेसे खरीद के खा सकत हे,। पे हमाए जानवरन खा भूसा को बोहतइ्र्र नुक्सान भओ हेे। कहां तक मोल खो भुसा लेके जानवरन को पेट भरहें। ईखे लाने तहसील में भी कहो हे, पे कोऩऊ सुनवाई नइयां।
मुढ़ाहरी लेखपाल रामराज पान्डे ने बताओ कि मे खलक सिंह के फसल मे आगी लगे के जांच 9 अप्रैल खे करी हे। जीमें बीस हजार को नुक्सान आओ हे। ऊखी रिर्पोट भी बना के मण्डी समिती में भेज दई हे। काय से दैविक आपदा को मुआवजा कृषि मण्डी समिती देत हे, अब ऊखे ओतई से मुआवजा को रुपइया दओ जेहे।