छौः महिना से राशन बन्द

जिला शिवहर, प्रखण्ड पिपराढ़ी गांव गरहिया में छौ महिना से राशन न मिलई छई। एई के लेल लोग सब परेशान छथिन।
उहां के लोग सब कहलथिन कि राशन कार्ड घर में रखे के लेल मिलई छई। सरकार गरीब के खाय के लेल राशन देई छथिन जइसे लोग के कुछ राहत होय। लेकिन राशन ऐतेक दिन पर मिलई छई त कोन काम के हई। जब मुखिया के कहई छी त उ कहई छथिन, कि तु जाकें अपने डीलर से पुछा कि उ राशन कहिया उठाव करई छथिन।
डीलर उमेश राम कहलथिन कि हमरा रूपइया न रहे के कारण हम ड्राफ न लगइली लेकिन अभी तक राशन न मिललई। आई से चार महिना पहिले राशन बड़ा खराब आयल रहई एई से हम न उठाव कइली। खराब राशन कोई न लेवे चाहई छथिन त हम उ उठाव कर के कि करबई।
खाद्यान आपूर्ति पदाधिकारी सुभाष कुमार कहलथिन कि राशन खराब के कारण पांच पंचायत के डीलर राशन उठाव न कलथिन। जब अच्छा राशन मिलतई तब सब उठाव करथिन।