जिला चित्रकूट, ब्लाक कर्वी, गांव गांेण्ड़ा। हिंया के आएशा बानो आरोप लगाइस कि मनसवा साबिर अली का मरे छह महीना होइगे। अबै तक पारिवारिक लाभ का रूपिया नहीं मिला।
आएशा बानो कहत हवै कि चार छोट छोट बच्चा हवंै। मोरे कमाये वाला कउनौ नहीं आय। बच्चन का पालब मुश्किल परत हवै। सास ससुर कबै तक पूर करिहैं। मोहिका अपने बच्चन का पढ़ावैं लिखावैं का हवै। मैं अपने बच्चन का कसत पढ़इहौं। यहै से सोचत हौं कि अगर पारिवारिक लाभ के तहत बीस हजार रूपिया मिल जाये तौ थोइ सहारा होइ सकत हवै।
प्रधान राजकरन सिंह पटेल कहिस कि आएशा बानो का फार्म भर के समाज कल्याण विभाग मा जमा कइ दीने रहौ। हुंवा से रूपिया अई तौ मिली।
समाज कल्याण विभाग के पैश्वनी बाबू कहिन कि फार्म जमा हवै। सरकार कइती से रूपिया नहीं आवा आय।