खबर लहरिया चित्रकूट पानी भरैं का लगावैं लाइन

पानी भरैं का लगावैं लाइन

पानी के होत समस्या

पानी के होत समस्या

जिला चित्रकूट, ब्लाक मानिकपुर, मुहल्ला गांधी नगर। हिंया लगभग तीस घर हवैं। हैण्डपम्प चार महीना से खराब हवै। यहै से मड़ई पानी खातिर हिंया-हुंवा भटकत फिरत हवै। हैण्डपम्प सुधरावैं खातिर कइयौ दरकी टाउन एरिया मा कहा गा, पै कउनौ सुनवाई नहीं भे आय।
मुहल्ला के कुन्दी देवी अउर कमला देवी का कहब हवै कि पानी खातिर परेशानी झेलैं का परत हवै। इनतान जाड़ा मा पानी का या हाल हवै तौ गर्मी मा का होइ। पानी भरैं के चक्कर मा घर के काम अउर मनसवा का मजूरी करैं खातिर देर होइ जात हवै। ब्लाक के सउहें हैण्डपम्प लाग हवै। वहै हैण्डपम्प से पानी भरित हन। पानी भरैं खातिर घंटा भर ताकै अउर लाइन लगावैं का परत हवै।
मानिकपुर टाउन एरिया के अध्यक्ष ऊषा देवी का कहब हवै कि हैण्डपम्प बनवा दीन जई। अब पता होइगा हवै कि वा मुहल्ला का हैण्डपम्प खराब हवै।