खबर लहरिया बाँदा बिजली विभाग पर लगाया दस हजार रूपये मांगने का आरोप बांदा जिले के गांव अछरौड़ की कहानी

बिजली विभाग पर लगाया दस हजार रूपये मांगने का आरोप बांदा जिले के गांव अछरौड़ की कहानी

जिला बांदा,ब्लाक बड़ोखर खुर्द, गांव अछरौड़ मा 1 जनवरी 2018 का कृष्ण देव मिश्रा के हाई अटैक से मउत होइगे है। वहिके परिवार का आरोप है कि बिजली विभाग वाले कटिया फंसावै के आरोप मा दस हजार रुपिया मांगत रहै। बिजली विभाग के जेई का कहब है कि चार-पांच मड़इन के कटिया पकड़ी गें हैं तौ उनकर एफ आई आर कीन गे हैं।
पड़ोसी मनोज कुमार गुप्ता का कहब है कि बिजली विभाग वाले कृष्णदेव के घर मा घुस गें है अउर दस हजार रुपिया के मांग करत रहै। कृष्णदेव के लड़का धीरेन्द्र मिश्रा बताइस कि एक दिन कटिया लगाये रहेन तबै बिजली वाले आये है अउर दस हजार मांगत रहै। फेर नोटिस भेज दिहिन रहै। तबै मोर बाप के तबियत खराब होइगे रहै तौ वहिका बांदा के अस्पताल मा भर्ती कइ दीने रहेनतौ हुंवा उनकर मउत होइगे है। नन्द कुमारी बताइस कि बिजली वाले आये रहै तौ तार काट लइ गें है। नाती पारस मिश्रा का कहब है कि बिजली वाले आये रहै तौ कहत रहै कि रुपिया द इ देव तौ मामला रफा-दफा कइ दीन जई।

रिपोर्टर- सीमा

Published on Jan 9, 2018