नाय बन्द भै आंगनबाड़ी केन्द्र

फैजाबाद अउर अम्बेडकर नगर मा छह साल के ऊपर के गेदहरन कै स्कूल 25 दिसम्बर से 11 जनवरी तक बन्द अहैं। साथ साथ प्राइमरी स्कूल मा चलै वाले आंगनबाड़ी केन्द्र भी बन्द अहैं। अउर गांव मा चलै वाले केन्द्र खुला अहैं। जबकि बन्द हुवय कै कउनौ नियम नाय बाय।
षीतकालीन अवकाष के चलते ज्यादातर स्कूल बन्द अहैं। जवन आंगनवाड़ी केन्द्र प्राइमरी विद्यालय मा चलाय जाथै प्राइमरी बंद हुवय के कारण उहौ बंद बाय। जेतना आंगनवाड़ी केन्द्र गांव मा चलाय जाथिन सब यतनी ठंड मा खुला अहैं। लकिन षासन प्रषासन यकै ध्यान नाय दियत अहंै। अब यका षासन प्रषासन कै अनदेखी कहा जाए या नियम कै उल्ंाघन।
सरकार यतनी ठण्डी मा छह साल के ऊपर वाले गेदहरन कै षीतकालीन अवकाष घोषित कै दिहिस। जबकि आंगनबाड़ी केन्द्र नाय बन्द भै। जेसे यतनी ठण्डी मा गेदहरै ठिठुरत जाथिन। आंगनबाड़ी केन्द्र पै अलाव कै व्यवस्था नाय बाय कि गेदहरन का बैठाय के सेंकाय जाए। बड़े बड़े गेदहरन कै छुट्टी हुवय के कारण गेदहरै अउतिन नाय। उनका बुलाय के लावै मा काफी दिक्कत हुआथै।
सरकार बडे़ गेदहरन कै स्कूल यतनी ठण्डी मा बन्द करै कै आदेष देहे बाय का आंगनबाड़ी वाले गेदहरन के ठण्डी नाय लागत? यतना अप्लीकेषन दियै के बावजूद कउनौ आदेष नाय मिला। अगर गेदहरन के ठण्ड लाग जाये तौ वकै जिम्मेदार के होये? आंगनबाड़ी कार्यकत्री कै आरोप बाय कि सारा इल्जाम हमपै आय जाये।