नहीं मिला पारिवारिक लाभ का रूपिया

जिला चित्रकूट, ब्लाक मऊ, गांव खोहर, मजरा लसही। हिंया के कौशिल्या के मनसवा का खतम भेे छह महीना होइगा, पै अबै तक पारिवारिक लाभ का बीस हजार रूपिया नहीं मिला आय। या कारन वा दर दर भटकत हवै।
हिंया के कौशिल्या का कहब हवै कि मोर मनसवा साहेबलाल का खतम भे छह महीना होेइगा, पै अबै सरकार कइती से पारिवारिक लाभ नहीं मिलत आय। मोरे कमाये वाला कउनौ नहीं हवै। यहै से एक एक रुपिया खर्चा खातिर तरसत हांै। सरकार कइती से बीस हजार रुपिया मिल जाये तौ कुछौ सहारा होइ सकत हवै। प्रधान रामनरेश का कहब हवै कि कौशिल्या का पारिवारिक लाभ का फार्म भरवा दीने रहांै। पता नहीं कि काहे नहीं पास भा आय अब समाज कल्याण मा पता कीन जई।