खबर लहरिया बाँदा दुघर्टना नेउतत पुलिया

दुघर्टना नेउतत पुलिया

murvalजिला बांदा, ब्लाक बबेरू, कस्बा मुरवल। हेंया एक महीना से हार जाय वाले रास्ता के पुलिया टूट गे है। मड़ई प्रधान से पुलिया बनावैं के मांग करिन है।
बल्देव, देवकुमारी अउर भूरा कहिन कि हार जाय का यहै एक रास्ता है। कटाई बुआई का समय चलत है। हार से मड़ई रात विरात घर लउटत है अउर बैलगाड़ी निकारिहैं। या मारे या पुलिया बनब बहुतै जरूरी है। 25 अक्टूबर का दुल्ला रात के खेत से आवत रहै। वा पुलिया का ध्यान नहीं पाइस। कमर से पुलिया मा घुस गा रहैं तौ हाथ पाव टूटत बचे हंै।
प्रधान रामबाबू कहिन कि इण्टर कालेज मुरवल का प्रिसिंपल दस टायरा ट्रक निकारिन हैं। या मारे पुलिया टूट है। अब पुलिया स्कूल वाले ही बनवइहंै।
इण्टर कालेज के प्रिसिंपल शिवपूजन पटेल कहिन-“मैं स्कूल बनवावैं खातिर मैटेरियल मंगाये रहौं। वहै रास्ता होइके ट्रक निकला तौ पुलिया टूट गे है। पुलिया मानक के हिसाब से नहीं बनी रहैं। अब मैं पुलिया बनवा देहूं।