बिना गेट के विद्यालय
जिला सीतामढ़ी, प्रखण्ड बथनाहा, गांव रामपुर उत्क्रमित मध्य विद्यालय में मेन गेट में ग्रील न रहे के कारण इहां के बच्चा अउर शिक्षक के बड़ा दिक्कत हो रहल हई।
इहां के लोग जसिया देवी, पुनम देवी कहलथिन कि हम अपना बेटा के पढ़ेला स्कूल में भेजई छी। लेकिन स्कूल में जाईय अउर उहां से खेले भाग जाईय।
विद्यालय के प्रधानाध्यापक रामईश्वर प्रसाद कहलथिन कि मेन ग्रील न रहे के कारण सबसे ज्यादा हमरा सब के परेशानी होईय। गांव के लोग भी विद्यालय के व्यवस्था के खराब कर देई छथिन। हम प्रखण्ड से जिला तक मौखिक कहई छी लेकिन इ समस्या पर कोई ध्यान न देई छथिन।
प्रखण्ड शिक्षा पदाधिकारी रामायण हाजरे कहलथिन कि ग्रील के रूपईया बाउन्ड्री में ही अबई छई। लेकिन उहां काहे न लगलई एकर जानकारी हम करब।