खबर लहरिया फैजाबाद दाना दाना का मोहताज भइन मनई

दाना दाना का मोहताज भइन मनई

gonv 2 copyजिला अम्बेडकर नगर, ब्लाक कटेहरी, गांव वीरनपुर। हिंआ 8 मई का अज्ञाम कारण से आगि लागि। नौ मनई कै घर जरिके राखी होइगै।
गांव कै रामप्यारे जंगली रामआशीष रामदौर पूर्णमासी अउर रामधारी कै कहब बाय कि हमरे सबकै घर पूरी तरह जरिगै। आगि कइसे लागि कुछ पता नाय चला। लब घर जरै लाग तब देखेन। थोरिन देर मा एक के बाद एक सबकै घर जरिगै। सब मनई जुटिके गड़ही के पानी से आगि बुझावै कै कोशिस करिन लकिन सफलता नाय मिली। सूचना पै पहुंचे अग्निशमन कर्मचारी अउर गांव वाले के मदद से आगि पै काबू पाइन। गांव वाले के अनुसार दस लाख के नुकसान भै बाय।
इब्राहिमपुर थाना क्षेत्र के वनपुरवा गांव के पश्चिम जंगल मा 26 अप्रैल 2016 कै लागि आगि पूरे गांव का चपेट मा लिहिस। वीरेन्द्र पाल घिर्राऊ बताइन कि दिन मा लगभग ग्यारह बजे आगि लागि। दिन मा हवा तेज हुवय से आगि पै काबू नाय पाय मिला। सूचना पै पहुंचे अग्निशमन कर्मचारी के मदद से आगि बुझायगै। तब तक तीन घर जरिके राख होइगै।
लेखपाल रामहरख मौर्य बताइन कि सर्वे किया गै बाय। रिपोर्ट दैवी आपदा विभाग मा भेज दियागै बाय। उचित मुआवजा दीन जाये।